佘诗曼成为三料视后感觉似发梦：个心仲卜卜跳

无线（TVB）年度压轴盛事《万千星辉颁奖典礼2023》于昨日（14日）在澳门上葡京综合度假村隆重举行。佘诗曼（阿佘）凭剧集《新闻女王》角色「Man姐」在颁奖典礼勇夺多项殊荣，分别是「最佳女主角」、「马来西亚最爱TVB女主角」、「大湾区最喜爱TVB女主角」，以及「最佳衣着女艺人」，这是佘诗曼第三次夺得「最佳女主角」殊荣，成为三料视后。

阿佘凭剧集《新闻女王》角色「Man姐」在颁奖典礼勇夺多项殊荣。（陈顺祯摄）

阿佘在颁奖典礼完结后接受访问表示：「我而家都好似发紧咁样，个心仲卜卜跳，其实未平复个心情，我好多谢大家今晚俾咗咁美好嘅回忆我，一定唔会忘记今晚发生嘅所有事。」她继续指一个演员能够遇到好剧本是绝不容易的事情，并表示：「一生人只系得一次，希望每一次都可以把握个机会，呈现最好嘅一面畀大家睇。」

至于《新闻女王》在颁奖典礼勇夺八项殊荣，因此成为大赢家，她表示：「好开心呀！当然系除咗最佳剧集可以攞到之外，其他演员都攞到奖，咁当然系大家都好开心，其实我哋拍得好开心，就算拍完成齣戏过咗几个月，我哋都会成日出嚟聚，大家感情都好好。由高海宁第一次攞奖，我已经忍唔住喊，好为佢开心。」讲到有否统计自己一共喊了几多次，她笑说：「我唔知呀！总之今日陈豪又喊，我又喊，唔知做乜鬼嘢。好感动，我可能好耐冇参加过呢个颁奖礼，咁所有都系熟人，个感觉好唔同，同埋谂返起好多以前嘅嘢，同埋今晚又唔同啲啦！个场地唔同啲大家坐一围围，大家轻松好多可以倾偈，嗰个气氛好好。」

被问到杨怡（杨茜尧）及林峯亲自颁发「最佳女主角」奖项的感受，她说：「开心啦，同埋估唔到林峯咁口密，佢真系冇讲俾我听佢会嚟，因为我同佢合作过好多次。我冇谂过可以喺佢手上攞过呢个奖，张智霖、林保怡同埋罗嘉良都系合作过嘅演员，咁系好深嘅感受。」

讲到会否希望尽快在TVB继续拍剧，她表示：「我成日都讲如果有好嘅剧本，我都会拍。」至于日后若果有机会拍《新闻女王》续集会否考虑接拍，她直指相当期待。被问到勇夺多个奖项会否身价再上升，她说：「唔会嘅，我谂其实个过程系最紧要，其实系好开心好合群，大家一齐团队做一个project都已经系赢咗，对我嚟讲已经系赚晒，其他嘢唔讲，净系呢份友谊已经抵。」

至于会否有庆祝的活动，她表示：「等一阵好似有个after party，呢一排比较忙啲，我暂时冇时间庆祝住，但系我今晚会瞓得好。」讲到是否已经达到事业高峰，她表示：「绝对系一个好难忘嘅晚上，我都未试过一晚攞咁多个奖，头先我唔知讲咩好，我直头系唔识讲，我好开心总之好多谢大家！」她透露刚才得奖后已经马上在后台与母亲FaceTime，并表示：「佢都好开心话恭喜你喎！跟住我话你唔系打紧牌咩！系呀，我哋一路打一路睇，妈咪开心我就开心。」